立冬還有紅鮪,新鉸見功.

11月7日,已是立冬了,第二日係農歷十六,仲係大流,晚上8时已潮漲得好勁了,玩開支S牌子Holiday 15尺磯杆,個鉸已算細了,但玩浮波成日抓住支杆,都係覺得重左D,擰得內支桿就覺隻手好倦.早排行開佐敦道 入去'' 世界釣魚中心''望下,見有個Special price价錢的鉸, 一百蚊有找. 仲係D牌子,話細呢間是日本D牌子專門店,為有信佢是A貨,呢個餃是1000B, Size 好細小,配合返支磯杆,手感好輕了. 今晚目標是花鱸,但改變下釣 法,唔釣半水, 任由隻生沙蝦帶著子線慢慢飄落去底層,博下大霧,話唔定中層中花鱸,底層仲有機會中其他什魚,話口未完, 粒浮波就急速下沉,我辦老定,任由佢食內D, 嘩!嘩, 唔對路, 絛魚開始發力 標, 我一抽,唉呀! Click 石, 等一下先, 嘩!又標返出来  , 快手快腳絞多几下.好好力, 大戰一輪,終于上水面,隔离位師兄大聲叫, 嘩! 好大絛立魚, 起碼八九兩. 我答佢, 唔多似哦. 睇清楚原来是紅鮪,天气立冬了,紅鮪還有得出现,開頭仲擔心可能是和尚魚,但釣友走過来 一睇,你一言我一語,一致裁定,不是放生魚.如果立魚有這樣大條就正呀!可惜是紅鮪, 紅油来計,算細條了.
嘩! 好戲在后面, 再起多兩絛紅油, 一絛花鱸, 全晚三紅一花, 其中一紅有斤重.正!!!!

  

今年多了黃腳立釣

平時在碼頭有留到有黃腳立游來游去, 水好清,五尺水深見到它, 不是很大絛,但有三分二手板甘大,今天一意黃分水來釣黃小姐, 哈哈!!!!
大约下午4點, 用浮波, 因灣位冇咩水流,釣組子線拉腳唔需咁長, 照舊用南极蝦做餌, 好奇怪. 釣了半粒鐘, 久不久就起下支杆,見魚餌都冇了, 但浮波完全冇下沉過, 唔通餌未到底層就被泥猛化了, 一意改變下策略, 加重下粒鉛, 等魚餌快速落到水底層, 避開中途被d泥猛折糊. 嘻! 方法有效哦, 見浮波沉了, 好精口, 等浮波再沉落少少先,一抽,中, 未上水面已知是黃小姐了, 見魚了,果然有三分二手板甘大,還可以, 釣到6點半天已黑了, 有四絛黃小姐, 過足手隱.

慘痛一刻

話說上周六約了個Friend 到日出康城那邊堤岸釣黃分水,念住离家近,就穿拖鞋輕便裝, 釣下堤邊,打餌粉,釣浮波,係下有冇黃腳立. 事原行到釣點要穿過一些草叢, 行行下已覺腳脂被虫蟻咬了,有點痛,小事,冇理會,去到釣點,朋友未到, 我開始打粉,Set 釣組等等......准備....30分鐘后, 我身体開始感覺不妙, 先由腳痛,再到頭, 跟住好似胃抽根,心跳加快,想嘔! 全身好han養. 馬上執野走人,念住行到康城站,如果嚴重就call白車, 但休息一下. 好左D,馬上回家沖涼. 后来上网搜索下资料,我應是被毒蟻咬了,導至皮膚敏感. 资料講若嚴重,要即刻入院.
下次切記, 不要穿拖鞋去釣魚.

花盧開始出现

晚上在新碼頭有班阿叔議論分分,話渠口成群唔知咩魚在水面游, 有D人講爛肉梳,有D人講係花慮, 有D講是鳥頭, 有位釣友正聚精會神釣緊, 仲大聲叫,點解唔开口呀!.我心念, 如果用蝦肉未必釣到佢. 第二日, 一收工返歸,一意去街市事頭婆鋪頭買十只生猛沙蝦仔, 食左dinner后, 去到渠口, 已見有魚追魚仔, 今次用浮波,釣組set五尺水深釣佢, 果然不一到15分鐘,浮波下潛,一抄即中, 好似冇乜力水, 上水面了, 開估. 原来係花盧,磅頭左右, 天气不是很凍,點解今快有花盧出现.再接再勵, 可惜又係釣极都唔中, 时間到11點了,全晚才起三絛. 可能水面太多魚仔佢吃,唔食只沙蝦.明天有魚食啦,返去叫工人姜蔥煎的方法, 早前食過星盧,一D都唔好食, 嘻! 今次花盧真係好食好多,肉質有D似火點.

筏仔見功

見D師兄話今期夜水多火車頭,今晚去碰下運气,支重炮冇料到, 反而支筏仔釣到佢, 雖然得斤半重,但支筏仔比佢扯到個鉸都卡卡聲, 好有手感, 任由佢扯上扯落, 過下手隱先.釣魚樂趣就係要呢种感覺. 上水啦! 來影返兩张相先. 唉! 失禮. 今年算暫时最威水這一次了.

感動篇

昨天上网睇下東方日報,記者敘述一個叫才叔創辦的爛釣同盟會,仲有圖文,細看下文原來是釣魚做善事,看完整篇報導,我都好想入呢個會,好感動!!!!放大圖片請細看內容.